Weeraryahanka dhawaan laga fasaxay Manchester United ee Cristiano Ronaldo ayay sii socdaan in warar kala duwan laga qoro arrimaha mustaqbalkiisa iyo kooxaha la saxeexan kara.
Ronaldo ayaa xagaagii saxeexiisa lala xidhiidhinayay kooxo laga xusi karo Bayern Munich, Napoli iyo Chelsea walow aysan midkoodna wax dalab ah ka geynin balse haatan ayay u muuqdaan kuwo qaboojiyay xiisahoodii.
Ronaldo ayaa xilli ciyaareedkan aan joogto ka ahayn shaxda asaasiga ah ee Man United isagoo marar badan muujiyay sida uu uga cadhaysan yahay.
Dhawaan ayay ahayd markii waraysi uu siiyay Piers Morgan oo ah saxafi sarre uu sababay in wadajir uu Red Devils ula kansalo heshiiskii uu kula joogay ee xagaaga dambe ku ekaa.
Haatan sida uu sheegayo wargeyska ree Spain ee MARCA, Cristiano ayaa aad ugu dhaw inuu heshiis laba sano ah u saxeexo kooxda ree Saudi Arabia ee Al Nassr.
Warbixinta ayaa sheegaysa in Ronaldo mudadaas ku qaadan doono 200 Milyan oo euro oo ah isku gaynta mushaharkiisa iyo heshiis xayaysiin ah.
