Chelsea ayaa ka afduubatay Arsenal saxiixa Mykhaylo Mudyrk iyagoo hishiis la gaaray kooxdiisa Shakhtar Donetsk.
Gunners ayaa hogaamineysay tartanka loogu jiray Mudryk, kaasoo bartilmaameed koowaad u ahaa madaama ay ku haminayaan hanashada horyaalka Premier League.
Khabiirka suuqa kala iibsiga Fabrizio Romano ayaa sheegay in Blues ay xiddigaan ka hoos xaday Arsenal iyagoo u duulay Poland islamarkaana hishiis la gaaray Shakhtar madaxdeeda oo wadankaas ku sugnaa.
Kooxda ka dhisan Galbeedka London ayaa hishiis la gaartay kooxda reer Ukraine.
Chelse aayaa ogolaatay inay bixiso lacagta lagu burburin karo qandaraas ciyaaryahanka oo aheyd 100 milyan euro oo u dhiganta 89 milyan ginni.
Kooxda tababare Graham Potter waxay haatan u baahan tahay inay hishiis la gaarto ciyaaryahanka iyadoo Mudryk uu ku adkeysanayay inuu doonayay Arsenal.
Hishiiska Chelsea iyo Shakhtar Donetsk ayaa yimid ka dib markii Arsenal laga soo diiday labo dalab iyadoo dalabkoodii seddexaad uu ahaa 84 milyan ginni.
Fabrizio Romano ayaa Twitter ku soo qoray: “Chelsea waxay kala hishiisay Shakhtar Donetsk saxiixa Mudryk iyagoo ku hishiiyay 100 milyan euro.
“Chelsea waxay haatan la hadleysaa ciyaaryahanka iyadoo Mudryk ay muhiimsadiisa ay mar walba aheyd Arsenal.”
Understand Mykhaylo Mudryk is now on a plane flying to London. His future enters into key, final stages as Chelsea have offered contract valid until June 2030. 🚨🔵✈️ #CFC
Chelsea hope to get it sealed this weekend.
Arsenal keep their position, bid made to Mudryk won’t change. pic.twitter.com/Z67BQvcOn1
— Fabrizio Romano (@FabrizioRomano) January 14, 2023
Fabrizio Romano ayaa sheegay in Mudryk uu haatan ku sii jeedo London iyadoo Chelsea ay kalsooni ku qabto inay hishiis shaqsi ah la gaari doonto. Waxay u soo bandhigeen qandaraas dhacaya bisha Juun 2030ka waa qandaraas todoba sannadood ah.
Waxay tani niyadjab weyn ku tahay Arsenal oo xiddigii ay ku haminayeen laga dulqaaday, waana xiddigii labaad oo ay Chelsea ka dulqaado Arsenal bishaan Janaayo ka dib Joao Felix oo amaah uga yimid Atletico Madrid.
