Madaxweynaha xidhiidhka kubadda cagta Cameroon ee Samuel Eto’o ayaa waajahaya baadhitaan sababi kara in lagu rido ganaax kaga yimaadda FIFA, kaddib markii ay soo baxeen muuqaallo caddaynaya isaga oo laad la dhacaya taageereye ku sugan waddanka Qatar.
Samuel Eot’o ayaa Isniintii markii uu dalkiisu ka hadhay Koobka Adduunka ee uu ka baxay garoonka Stadium 974 ee magaalada Doxa, waxay is af-dhaafeen wiil dhallinyaro ah oo sitay kamarad, kana duubanayay muuqaal isaga oo aan ogolaansho ka haysan.
Wargeyska El Partidazo de Cope ee kasoo baxa waddanka Spain iyo sidoo kale La Opionion ayaa markii koowaad helay muuqaalka oo uu Samuel Eto’o ku cararayo wiil haysta kamarad, kaas oo uu laad dhulka ugu tuuray.
Wargeyska Dialy Mail ayaa sheegay in aan la garanayn sababta keentay in Samuel Eto’o oo marka horeba sawirro ay la galayeen taageereyaal ku sugnaa bannaanka garoonku uu uga cadhooday wiilkan, balse waxa muuqanaya iyadoo wiilkaasi uu hadallo ku leeyahay Eto’o oo isagana laga qabtay balse haddana uu wiilku sii watay hadalka, taasina keentay in halyeyga reer Cameroon uu ku ordo oo uu caloosha ka laado, dhulkana ugu tuuro.
Halkan ka daawo muuqaalka dhacdada
👊 Agresión de Samuel Eto'o a un aficionado a la salida del partido entre Brasil y Corea
📻 #PartidazoCOPE pic.twitter.com/yZTmdD16o3
— El Partidazo de COPE (@partidazocope) December 6, 2022
