Neymar ayaa casaan qaatay ku soo laabashadiisii Paris Saint-Germain xalay oo Arbaco aheyd.
Kooxda heysata horyaalka Ligue 1 ayaa la ciyaareysa kooxda Strasbourg kulankoodii ugu horeeyay ee ka dib Koobka Adduunka.
Inkastoo Lionel Messi loo ogolaaday inuu muddo dheer fasax ku maqnaado madaama uu u dabaaldegayo weli Koobka Adduunka, waxaa PSG ku soo laabtay labada xiddig ee Neymar iyo Kylian Mbappe.
Laakiin habeen la iska ilaawo ayay u aheyd Neymar kaasoo labo kaadh hurdi oo isku xigta qaatay qeybtii labaad ee ciyaarta.
Kaadhkiisii ugu horeysay ee hurdiga waxay aheyd gacan uu wajiga uga dhuftay ciyaaryahan kubad kula xafiiltamayay, laakiin kaadhkiisa labaad wuxuu ku qaatay istuur lala yaabay.
Neymar ayaa kubada ku helay xerada ganaaxa ka dib baas uu u soo dhigay Mbappe laakiin kubada ayuu si xoogan u taabtay isagoo isku dayayay inuu garab maro daafac.
Inkastoo aan la taaban haba yaraatee, wuxuu dhulka isagu tuuray si lala yaabay taasoo keentay in garsooraha uu ku ciqaabo kaadh labaad oo hurdi ah waxaana loogu daray casaankii uu mudnaa.
Neymar sent off in his first game back from the World Cup for diving, back to his old ways. #PSG #Diving #Neymar pic.twitter.com/0gxFxDGJhp
— Jamie (@Moweristhegoat) December 28, 2022
Neymar was re-yellow after diving for PSG match against Stronger and said goodbye to Neymar.🟥#Neymar #PSG #brezil pic.twitter.com/CNGb3S8Xik
— HM Hridoy Khan (@HMHrido67006967) December 28, 2022
Xiddigii hore ee Barcelona iyo Santos ayaa looga bartay inuu si riwaayad ah dhulka isagu tuuro laakiin taasi kuma faa’idin kulankii xalay.
PSG ayaa u muuqatay in barbaro 1-1 ah lagu qabanayo ciyaartoodii ugu horeysay ee Koobka Adduunka ka dib markii kabtankooda Marquinhos uu labada shabaq soo taabtay.
Laakiin Mbappe ayaa guusha ku hogaamiyay Paris Saint-Germain isagoo rigoore u saxiixay daqiiqadii 96aad ee ciyaarta.
