Luis Suarez ayaa tiirin doona kabaha oo ka fadhiisan doona kubadda cagta caalamiga ah, kaddib markii uu xulka dalkiisu ka hadhay Koobka Adduunka ee ay Koonfurta Korea usoo gudubtay wareegga 16ka. Wali kuma aanu dhawaaqin go’aankiisa hase yeeshee saxaafadda ayaa makarafoonka la daba socota oo suqayga inuu ku dhawaaqo saacadaha soo socda.
Suarez oo ay da’diisu tahay 35 jir, isla markaana miisaankiisu cuslaaday ayaanay suurtogal u noqon doonin inuu sii xidhnaado shaadhka xulka qarankiisa, waana sababta uu oohinta u qabsaday dhamaadka ciyaartii xulka qarankiisu 2-0 kaga adkaaday Ghana.
Uruguay ayaa laba gool oo shan daqiiqadood u dhexeeyeen ka dhalisay Ghana oo kaliya u baahnayd barbarro si ay ugu soo gudubto wareegga 16ka, balse labada gool ee laga dhaliyey ayaa u sababay guul-darro iyadoo rikoodhe uu ka khasaariyey Andrew Ayew.
Ghana ayaa la filayay inay ka aargoosato Uruguay iyo Suarez oo sannadkii 2010 sidan oo kale Koobka Adduunka uga reebay. Xilli ciyaartu sii dhamaanaysay ayuu Luis Suarez gacan badheedh ah ku qabtay kubbad dhalanaysay, waxaana la siiyey kaadh casaan ah, hase yeeshee Gyan ayaa rikoodhihii ka khasaariyey Ghana, sidaas ayaanay uga hadheen Koobkii Adduunka 2010. 12 sannadood kaddib ayay mar kale ayay Uruguay sabab u noqotay in Ghana ka hadho Koobka Adduunka
Iyadoo Uruguay ay is-bidday inay soo baxayso, ayay Koonfur Korea ka daba timid Portugal oo ay Group H ku wada jireen, waxaanay ku badiyeen 2-1 iyadoo daqiiqaddii 91aad uu Korea goolka guusha u dhaliyey Hwang Hee-chan.
Luis Suarez ayaa ilmada xajisan waayey oo oohin qabsaday iyadoo aanay ciyaartuba dhamaanin, xataa iyadoo haddii ay gool dhaliyaan uu dalkiisa Uruguay soo bixi lahaa.
Oohinta Suarez ayaa waxa ka horreeyey hadal uu maalin ka hor yidhi oo ahaa in aanu waligii raalligelin ka bixinayn gacantii uu kubadda ku qabtay ciyaartii Ghana ee Koobkii Adduunka 2010, balse maanta isaga oo ooyaya ayuu garoomada macasalaamaynayaa.
Halkan ka daawo oohintii Luis Suarez
Ghana fans 😂pic.twitter.com/XFdeVpxvYJ
— Troll Football (@TrollFootball) December 2, 2022
News has filtered through to Luis Suarez that Uruguay are currently going OUT…
As it stands, they'll finish third on goals scored! 😳 pic.twitter.com/32lRKZdeDM
— Match of the Day (@BBCMOTD) December 2, 2022
