Kabtanka xulka qaranka Ecuador ee Enner Valencia ayaa laba gool ku furtay Koobka Adduunka qaybta hore ee ciyaartii koowaad ee sannadkan oo ay waqti horeba muquuniyeen Qatar oo ah dalka martigelinayay. Enner Valencia ayaa daqiiqaddii afraad madax ku dhaliyey gool muran dhaliyey oo VAR ay ka diidday, hase yeeshee waxa uu raaciyey laba gool oo midkood madax ahaa, midna rikoodhe ahaa.
Weeraryahankan hore ee West Ham iyo Everton, ayaa waxa rikoodhkiisa ku jira dhacdooyin layaableh oo qaarkood ay yihiin kuwo madow.
Sannadkii 2017 ayuu ka tegay England isaga oo ah wali ciyaartoy aad u sarreeya, waxaanu u wareegay kooxda reer Turkey ee Fenerbahce, isaga oo halkaas kasii watay ciyaaraha, iyadoo haddana uu yahay kabtanka xulkiisa.
Ecuador ayaa uu u hoggaamiyey Qatar, mana noqon hoggaamiye xun ee waxa uu kasoo baxay shaqadiisa isaga oo laba jeer hoggaanka u dhiibay, xilli ay Qatar u muuqanayso inay is-dhiibtay 45kii daqiiqadood ee hore.
Sannadkii 2016, Valencia ayaa ka ciyaaray kulan isreeb-reebka Koobka Adduunka ahayd oo u dhaxaysay Ecuador iyo Chile, waxaana uu dhulka isku tuuray daqiiqadihii ugu dambeeyey isaga oo koomo been-abuur ah is-geliyey, waxaanay taasi keentay in lagu xidho oxygen, balse xaqiiqadu waxay ahayd inuu ka baxsanayay in ay boolisku xabsiga u taxaabaan.
Garoon weyn oo golf lagu dheelo oo ay ciyaartaasi ka dhacday ayaa lagaga saaray baabuur yar oo kuwa ciyaartoyda dhaawaca ah garoonka lagaga qaado ah, waxaana layaab lahayd in booliska uu ka baxsaday iyadoo muuqaalkan hoose laga arkayo booliska oo daba ordaya baabuurka lagu qaaday Enner Valencia.
Dembiga loo haystay Valencia waxa uu ahaa lacag gaadhaysa £13,000 Gini oo ahayd biilka canug aanay warbixintani sheegin cidda dhashay laakiin ay maxkamaddu ku xukuntay, sidaas ayaanu kaga baxsaday booliska.
Halkan ka daawo muuqaalka Valencia oo booliska ka baxsanaya
Ecuador kick off the World Cup today.
Here's their captain Enner Valencia faking an injury to avoid getting arrested over £13k of unpaid child support.
The former Everton striker was driven away on a stretcher while 13 policemen gave chase. pic.twitter.com/oNCfKMbj6t
— The Upshot (@UpshotTowers) November 20, 2022
SanadKii 2016kii koob aduun lama ciyaarinbee