Cristiano Ronaldo ayaa halis gelinaya inuu la kulmo ciqaabta FIFA haddii uu caawa safto kulankiisa ugu horeeya ee kooxda Al Nassr ay la ciyaareyso Al Ta’ee.
37 jirkaan ayaa la duldhigay ganaax labo kulan ah ka dib markii uu taleefan ka jabiyay wiil yar oo taageere Everton ah bishii April.
Ronaldo ayaa si rasmi ah u noqday ciyaaryahan Al Nassr ah horaantii todobaadkan isagoo u saxiixay hishiis labo sanno iyo bar ah oo uu isbuucii ku qaadanayo 3.6 milyan ginni.
Madaxa kooxda Al Nassr ayaa doonaya in Ronaldo uu ciyaaro kulanka caawa iyadoo taageerayaasha ay ku faraxsan yihiin inay arkaan xiddiga shanta jeer ku guueystay Ballon d’Or oo u ciyaaray markii ugu horeysay.
Si kastaba, kooxda iyo ciyaaryahanka ayaa halis gelin doona inay wajahaan carrada FIFA haddii uu caawa u dheelo kooxda tababare Rudi Garcia
Madaxda kooxda Al Nassr ayaa rajeynaya in ogolaanshaha caalamiga ah ee saxiixa ciyaaryahanka inay meesha ka saareyso ganaaxii FA-ga Ingariiska sida ay sheegtay Daily Mail.
Waxaa la sheegayaa in Ronaldo uu halis gelin doono ganaax uga yimaada FIFA islamarkaana kooxdiisa cusub ay ganaax lacageed la kulmi doonto haddii ay dhaqangelin waayaan ganaaxii FA-ga Ingariiska ee labada kulan ee la soo saaray ka dib markii uu ka tagay Manchester United.
