Chelsea ayaa ceshan weysay farxadeeda ku aadan inay Arsenal ku garaaceen saxiixa Mykhaylo Mudyrk marka loo eego sida ay ugu dhaqmeen Instagram.
Chelsea ayaa durbaba ku darsatay xiddiga Shakhtar Donetsk xiddigaha ay ku xiran yihiin Instagram waxayna ugu baaqeen taageerayaashooda inay jaceyl u muujiyaan inkastoo hishiiskiisa aan si rasmi ah loogu dhawaaqin.
Arsenal ayaa moodeysay inay soo xerogeliyeen xiddiga reer Ukraine laakiin waxay rajeynayeen in Shakhtar ay hoos u dhigi doonto qiimihiisa.
Mudryk oo 22 sanno jir ah ayaa xitaa si joogta ah waxa uu baraha bulshada ugu muujinayay inuu doonayo inuu u wareego Arsenal.
Laakiin Chelsea ayaa afduubatay saxiixiisa daqiiqadii ugu danbeysay iyagoo dalab aan diidi karin u bandhigay kooxda Shakhtar Donetsk.
Waxayna durbadiiba bilaabeen inay nabarka ku xanuunjiyaan kooxda ay London ku xafiiltamaan, iyadoo akoonka Mudyrk ee Instagram ku darsaday bogooda hore inkastoo hishiiskiisa uusan rasmi aheyn weli.
Ka dib waxay ugu baaqeen taageerayaasha inay fariimo u diraan xiddigaan iyagoo sawirka Mudyrk soo dhigay Instagram kuna hoos qoray: “Fariin u dir Mudryk oo u muuji jaceyl.”
Taageerayaasha Blues ayaa si yaabo kala duwan uga falceliyay habdhaqanka kooxdooda, waxay qaar badan u arkeen wax laga yaaqyaaqsado in Chelsea ay sidaan oo dhan u sameyso ciyaaryahan doonaya Arsenal halka kuwa kale ay u arkeen inay tahay fariin awood ah oo ay kooxdooda direyso.
