Halyeygii Arsenal, Barcelona iyo Chelsea ayaa qirtay inuu isku dayay inuu ka caawiyo kooxdiisii hore ee Barcelona inay la saxeexato ciyaartoy uu ku tilmaamay mid aan lahayn xuduud iyo meel celisa, laakiin taas beddelkeeda uu ciyaartoygaasi ka degay kooxda uu la xafiiltami jiraya Real Madrid oo uu af-dhabar ka noqday,, sidoo kalena wacdaro ka dhigaya koobka adduunka
Cesc Fabregas ayaa waxa uu sheegay inuu la hadlay xiddiga khadka dhexe uga ciyaara xulka qarankaFrance ee Aurelien Tchouameni oo uu u sharraxay Barcelona xilligii ay wada joogeen Monaco, si uu ugu qanciyo inuu tago Camp Nou.
Tchouameni oo ay kooxo badan ku tartamayeen xagaagii sida Liverpool, Manchester United, Paris Saint-Germain iyo Chelsea ayaa waxa 80 milyan oo Euro oo ay kagala soo wareegtay Monaco, halka Barcelona ay iyaduna si xor ah ula wareegtay Frenkie Kessie.
Imaatinka Tchouameni ee Real Madrid ayaa waxay keentay in Los Blancos ay iibiso Casemiro oo lacag ka badan intii ay kusoo iibsadeen Tchouameni ay kula wareegtay Manchester United.
Cesc Fabregas oo la hadlayey wargeyska Foot Mercato ee kasoo baxa waddanka Talyaaniga ayaa yidhi: “Haa waan kala hadlay Aurelien arrimaha Barcelona. Waxay doonayeen bilowgii in ay la saxeexdaan oo uu u beddelo Sergio Busquets, waxaanu ahaa ciyaartoyga ugu habboon aniga aragtiday, laakiin waxay ahayd waqti ay Barca haysay lacag la’aan. Waxa aan rumaysnaa in aanay bixin karayn wax ka badan €40 milyan oo Euro. Kaddib waxa uu u saxeexay Real oo uu ka noqday ciyaartoy joogto ah, sidoo kale xulka France ayuu ka yahay aasaasi. Aniga aragtidayda, Aurelien ma jiraan wax xaddidaya.”
