Ka dib markii xulka Canada ay guuldarro ka soo gaartay Belgium kulankoodii furitaanka Koobka Adduunka, tababaraha xulka Holland ayaa hanjabaad iyo aflagaado u diray xulka ay kulankooda labaad la ciyaarayaan ee Croatia.
Tababaraha xulka Croatia Zlatko Dalic ayaa sheegay in xulkiisa uu qalmo ixtiraam madaama ay gareen finalka Koobka Adduunka.
Tababaraha Canada Herdman ayaa ka dib kulankii Belgium waxa uu yiri: “Waxaan u sheegay ciyaartoyda inay goobtaan goobtoodii tahay, kulanka labaad waan aadeynaa, waana kufsaneynaa Croatia.”
Herdman ayaa raaligelin ka bixiyay hadalkiisa waqti danbe.
Macalinka Croatia oo ka jawaabaya ayaa yiri: “Sida uu hadalka u dhigay ma ahan mid ixtiraam ah.
“Waxaan nahay koox finalka gaartay, waxaan mudanahay ixtiraam… diirada ma saari doono hadalkiisa iyo hadalada dadka kale.
“Waxaan ixtiraameysaa qof walba si isku mid ah, waxaana ka dalbaneynaa xulalka naga soo horjeeda inay iyagyna sidaas sameeyaan.”
Wargeys ka soo baxa Canada ayaa boggooda hore ku daabacay sawirka tababaraha Canada oo qaawan iyagoo daboolay afkiisa iyo xubintiisa taranka, waxayna cinwaan ka dhigeen:
“Af aad ku hadasho waad leedahay, laakiin sidoo kale ma la leedahay xiniinyo aad wax ku sameyn karto?”
Croatia iyo Morocco ayaa min dhibic leh Group F halka Belgium ay seddex dhibcood ku hogaaminayaan iyadoo Canada ay waxba laheyn.
