CAJIIB: Wakiilka Raphinha Oo Tusaale Usoo Qaatay Xiddig Real Madrid Ah Si Uu Maamulka Barcelona U Qanciyo!!

Wakiilada masuulka ka ah garabka kooxda Barcelona ee Raphinha ayaa la sheegay inay dhawaan kulan la qaateen maamulka kooxdaasi.

Raphinha ayaa suuqii xagaaga uun kusoo biiray kooxda Camp Nou ku ciyaarta balse durba la hadal hayaa in la iibin karo maadaama uusan wixii laga filayay ilaa haatan soo bandhigin.

Raphinha ayaa lagu xasuustaa in kooxaha Chelsea iyo Arsenal si weyn u doonayeen saxeexiisa balse diiday isagoo waxkasta u sameeyay Barcelona oo uu mudo sugayay maadaama aysan dhaqaale ahaan fiicnayn.

Haatan wargeyska Relevo ee fadhigiisu yahay Spain ayaa sheegaya in Barcelona ka fikirayso inay suuqa dib u dhigto xiddiga Brazilian-ka ah.

Isla wargeyskaa ayaa sheegay war xiiso badan oo ah in dadka ku dhaw dhaw 26 sano jirkaasi ay tusaale usoo qaateen xiddiga Real Madrid ee Vinicius Jr markii ay arrimaha ciyaartoygooda kala hadlayeen maamulka Barca.

Sidoo Kale Akhri

HORDHAC: Man United v Reading – Red Devils Oo FA Cup U Jeedsanaya, Xiddiga Usoo Laabtay, Shaxaha & Xogaha Kulanka

January 28, 2023

HORDHAC: Girona v Barcelona – Catalan Derby – Barca Oo Kooxda Jaarkeeda Guul Ka Doonaysa, Shaxaha & Xogaha Kulanka

January 28, 2023

Wakiilada Raphinha ayaa u sheegay maamulka Barcelona in Vinicius in mudo ah la eedaynayay kahor inta uusan xiddiga aadka muhiimka u ah ee goolasha joogtada looga helo u noqon Real Madrid.