Goolhayaha xulka Poland ee Wojciech Szczesny ayaa shaaca ka qaaday sharad uu la galay kabtanka xulka Argentina ee Lionel Messi intii uu socday kulankii xalay labada dal dhex maray.
Argentina ayaa 2-0 kaga adkaaday Poland iyagoo goolal ka helay Mac Allister iyo Julian Alvarez kulan uu qaybtiisii hore Lionel Messi rigoore ka badbaadiyay Szczesny.
Poland qudheeda ayaa usoo baxday wareega 16-ka Koobka aduunka maadaama Mexico oo ay waxkasta ka sinaayeen uu ka reebay xulka Saudi Arabia oo xilli dambe gool ka dhaliyay.
Goolhayaha 32 sano jirka ah ayaa qayb weyn ka ciyaaray guusha dalkiisu ugu soo baxay 16-ka isagoo dhammaan saddexda kulan ee Group-yada si weyn laf-dhabar ugu soo ahaa.
Si kastaba, Szczesny ayaa sheegay inuu sharad 100 euro ah la dhigtay Lionel Messi intii uu garsooraha kulanka ee Danny Makkiele ku maqnaa aalada V.A.R ee uusan rigooraha dhigin isaguu u sheegay inuu kula sharad tamayo inaan rigoorahaas la dhigi doonin.
“Maya (Ismaan lahayn rigooraha waa loo dhigayaa), waxaanu wada hadalnay kahor rigooraha waxaanan u sheegay inaan 100 euro la dhiganayo oo uusan rigooraha dhigi doonin garsooruhu”.
“Markaa sharad ayaan guuldarro kagala kulmay Messi, ma garanayo haddii sidaas la ogol yahay koobka aduunka, laga yaabaa in la i ganaaxo, waxba igama gelin haatan” ayuu yidhi Szczesny oo kaftan ku daray.
MAR WALABA GOALKEPARADU MESSI IYO RONALDO
WAXAY KU RIDAAN WADANA XANUN DAG DAGA