Da’yarka khadka dhexe ee kooxda Borussia Dortmund ee Jude Bellingham ayaa u jenjeedha dhinaca Real Madrid walow ay sidoo kale xiisaynayaan kooxaha ugu waaweyn dalkiisa England.
Wargeyska The Sun ayaa dhawaan sheegay in Real Madrid ay kalsooni ku qabto inay saxeexa Bellingham ku guuleysanayso.
Jude ayaa ah mid kooxaha ugu waaweyn Yurub si weyn u doonayaan waxaana lagu wadaa inuu xagaaga ka tago gegida Signal Iduna Park.
Real Madrid ayaa ah mid kamida kooxo badan oo xiisaynaya si lamid ah Liverpool, Manchester City iyo Chelsea.
Arrinta cajiibka ah ee wargeyska Marca daboolka ka qaaday ee muujinaysa sida Jude u doonayo Madrid ayaa ah in dhammaan saddexdaas kooxood uu ka heli karo mushahar ka badan midka uu Madrid ku qaadan doono haddii uu ku biiro.
19 sano jirkaas ayaa ka warqaba in Real Madrid aysan siin doonin mushahar ka badan 200,000 oo pound toddobaadkii.
Sidoo kale Los Blancos ayaan diyaar u ahayn inay dagaal dhaqaale oo dhinaca dalabaadka ah la gasho kooxaha Premier League.
Dortmund ayaan iibka Bellingham ku doonayn wax ka yar 100 Milyan oo euro heshiis ugu dambayn ilaa 140 Milyan oo euro gaadhi kara.
