Bukayo Saka Oo Banaanka Keenay Dareenkii Xiddigaha Arsenal Kaddib Barbardhacii Man City Gashay Toddobaadkan

Da’yarka garabka weerar ee kooxda Arsenal ee Bukayo Saka ayaa ka hadlay qaabkii ay ciyaartoyda ay koox wadaaga yihiin uga falceliyeen barbardhacii Man City toddobaadkan la gashay dhigeeda Everton.

Sabtidii ayay ahayd markii Arsenal oo hoggaanka shan dhibcood kaga haysay Man City ay heshay fursad ay kusii dheeraysato hoggaankaas iyagoo haatan toddobada dhibcood ku haya kaddib labadii dhibcood ee Sky Blues lumiyeen.

Saka ayaa labadii daqiiqo ee ugu horreeyay shabaqa ka taabtay Brighton oo ay 4-2 kaga soo badiyeen kulan ka dhacay Amex Stadium.

Saka oo kulanka kaddib BBC Sports la hadlay ahaa sheegay inay iyagu kaliya diirada saaraan ciyaartooda balse barbardhaca Man City uu dhiirigelin sii siiyay.

“Kaliya waxaanu isku daynaa inaanu diirada saarno nafahayaga laakiin markii aanu maqalnay natiijada waxay na siisay dhiirigelin dheeraad ah si aanu iskugu dayno inaanu cadaadino oo natiijo helno” ayuu yidhi Bukayo.

Sidoo Kale Akhri

Manchester City: Mishiinkii Lacagta, Ciyaartoyda Dembiga Geliyey Ee Ay La Saxeexatay Iyo Xiddigaha Lagu Amrayo Inay Iska Tagaan

February 6, 2023

SAADAAL: Supercomputer Oo Saadaal Cusub Ka Sameeyey Premier League Kaddib Guul-darradii Arsenal Iyo Ganaaxa Manchester City

February 6, 2023

Mikel Arteta ayaa isaguna xaqiijiyay inay ogaayeen natiijada Man City balse diiday inuu weyneeyo toddobada dhibcood ee Gunners hoggaanka horyaalka ku qabteen.