Difaaca kooxda kubadda cagta Arsenal ee Ben White ayaa markii ugu horreysay ka baxay aamusnaanta tan iyo markii laga caydhiyey xulka qaranka England markii ay isku dhaceen tababare ku-xigeenka, taas oo keentay in isaga oo aan hal ciyaar u safanin uu diyaaradda ka raaco waddanka Qatar oo uu ku laabto England.
White oo ay da’diisu tahay 25 jir ayaa shalay la midoobay ciyaartoyda kooxdiisa Arsenal oo uu ugu tegay magaalada Dubai oo ay tababarka ku qaadanayaan, waxaana la arkayay isaga oo dhoola-caddaynaya oo u muuqanaya inuu iska illoobay waqtigii murugada.
Xidhiidhka kubadda cagta Ingiriiska ee FA ayaa November 30 waxay shaaciyeen in Ben White uu ka tegay xulka oo uu ku laabtay Ingiriiska, waxaanay ku sababeeyeen arrimo shaqsi oo qoyskiisa ah, iyadoo laabadii ciyaarood ee ugu horreeyey uu kaydka fadhiyey oo aan waqti la siinin.
Laakiin xaqiiiqada soo baxay ayaa waxay noqotay in ay isku dhaceen tababare ku-xigeenka xulka, taasina keentay in laga caydhiyo oo dib loogu diro London.
Si kastaba, Ben White ayaa hadda ku sugan Dubai waxaanu isku diyaarinayaa kulamada saaxiibtinimo ee AC Milan iyo Juventus, ka hor inta aanay dib ugu laabanin England oo horyaalka Premier League ay maalinta Boxing Day ku ballansan yihiin West Ham United.
Shalay markii uu tababarka bilaabay ayaa uu Ben White qoraalkiisii ugu horreeyey ku daabacay bartiisa Instagram tan iyo markii uu ka tegay xulka, waxaana uu ku yidhi: “Waanu soo laabanay.” Waxa uu qoraalkiisa soo raaciyey sawirrada dhawr ciyaartoy oo ay is garab taagan yihiin.
Gunners ayaa marka ay dib ugu laabato Ingiriiska waxay bilaabi doontaa inay sii wadato bandhigga fiican iyaga oo hoggaanka horyaalka ku haya 37 dhibcood, halka Man City oo kusoo xigtaa ay leedahay 32 dhibcood.
Warkiina waa wax lagu qoslo wlhi..sidan miyad rabtan inad bariiska kudhacsatan oo aqristayaal ku heshaan? Malin walba waxad soqortaan hebel ayaa afka furtay hadana waxba masheegin … waa yaab war wax isku fala please oo oo ixtiraama hal halka qof ee afsomaliga waxku aortaan sababtiis ku qasban inu naf idinka raadiyo🥹