Kooxda kubadda cagta Barcelona ayaa samaynaysa iskudaygii ugu dambeeyey ee ay ku doonayso inay ku qanciso kabtankeeda Sergio Busquets inuu sii joogo Camp Nou, xilli uu laacibkani shandaddiisa xidh-xidhanayo oo uu qorshaynayo inuu ka tago marka uu dhamaado xilli ciyaareedkan socda.
34 jirkan ayaa la sheegay in aanu wali wax dalab heshiis cusub ah ka helin kooxdiisa Barcelona, inkasta oo uu Xavi Hernandez marar badan ku celceliyey inay ka go’an tahay inay sii haystaan sannad kale, taas oo keentay in uu bishan January Sergio Busquets wada-hadallo la yeesho kooxda horyaalka Maraykanka ee Inter Miami.
Wargeyska SPORT ee kasoo baxa waddanka Spain ayaa sheegay, in Barcelona ay diyaarisay dalab heshiis cusub ah oo ay u bandhigayso Sergio Busquets maalmaha soo socda, si ay meesha uga saarto damaca kooxaha kale kaga jira laacibkan, isagana ugu qanciso in aanu ka bixin xagaaga foodda inagu soo haya.
Warka ayaa intaa ku daray, in kabtanka Barcelona uu la socdo, in kooxdiisu ay doonayso inuu sii joogo, isla markaana aanay jirin wax farqi ah oo u dhexeeya oo kala kaxaynaya inkasta oo ay kooxdu caqabad u aragto mushaharka uu qaato kabtankeedu.
Horraanta bisha February ayaa la filayaa in ay wada-hadallo daaha dabadiisa ah ay u bilowdaan Sergio Busquets oo toddobaadkii hore kula soo guuleystay tartanka Spanish Supercup oo ay rikoodheyaal ku garaaceen Real Madrid oo ay finalka iskugu soo baxeen.
Sergio Busquets ayaa la sheegay in uu diiddan yahay inuu hoos u dhigo mushaharkiisa aadka u badan, halka kooxduna ku tirtirsiyayso in ay lagama maarmaan tahay inuu tanaasul sameeyo, si ay suurtogal u noqoto inuu xilli ciyaareed kale sii joogo.
realmadrid 1:3barcelona.
adnh wxad so qorty rekodhayal by kga qaday cupka