Kooxda kubadda cagta Barcelona ayaa lagu riday xukun maxkamadeed oo qasab kaga dhigaya, in ay lacago malaayiin ah siiso xiddigeedii hore ee khadka dhexe ee Matheus Fernandes oo heshiiskiisa ay Barca ku burburisay email ay u dirtay.
Matheus Fernandes oo 17 daqiiqadood oo kaliya ay ciyaaray kooxda koowaad ee Barcelona, ayaa waxa la eryey isaga oo kula jira heshiis oo sannado badan u hadhsan yihiin.
Laacibkan ayaa waxa uu dacwad u gudbiyey maxkamad ku taalla Spain, waxaana lagu xukumay Barcelona in ay laacibkan siiyaan £6.5 milyan oo Gini, taas oo kusoo beegmaysa xilli ay xaaladda dhaqaale ee Barca adag tahay.
Barcelona ayaa January 2020 waxay Fernandes kasoo iibsatay kooxda reer Argentina ee Boca Junior, waxaanay kasoo bixisay £6 milyan oo Gini, hase yeeshee waxay kooxdu fasaxday xagaagii 2021 isaga oo hal kulan oo kaliya beddel ugu soo galay, waxaanay ahayd ciyaartii Champions League ee Dynamo Kyiv.
24 jirkan ayay kooxdu burburisay heshiiskiisa iyaga oo aan kala xaajoonin, waxaanay kaliya kaliya ku kansaleen email loo diray iyada oo aan lala hadal, waxaana lagu wargeliyey in heshiiskiisii shanta sannadood ee soconayay illaa 2025 ay kooxdu ka baxday.
Fernandes ayaa la tashaday koox sharci-yaqaano ah ka hor intii aanu dacwadda gudbin, waxaana uu ka dalbaday Barcelona £13 milyan oo Gini oo magdhow ah, hase yeeshee maxkamadda ayaa kaliya u xukuntay kala-badh lacagtaas oo noqonaysa £6.5 milyan oo Gini.
13M kala barkeed waa 6.5M, Khaladaadka ishiinu qaban karto ee idin soo dhaafa waxay gudbinayaan fariin ah inaydaan waxba tafatirin 🤔