Barcelona ayaa war ka heshay racfaankii ugu dambeeyay ee ay ka qaadatay ganaaxa laga saaray hoggaanka weerarkeeda ee Robert Lewandowski kulankii ugu dambeeyay ee kahor Koobka aduunka.
Lewandowski ayuu kaadhkii labaad ee jaale ah u taagay garsoore Jesus Gil Manzano kaddib markii uu qalad ku galay David Garcia.
Intaas kaddib Lewandowski oo kaliya hal kulan casaankaas ku maqnaan lahaa ayaan garoonka aayar ka bixin balse ku maadsaday garsooraha isaga oo sameeyay ficilo uu ku muujinayo inuu garsooruhu maandooriye cabsan yahay.
Kaddib markii xidhiidhka RFEF iyo horyaalka La Liga ay dib u eegeen warbixintii garsooraha ee kulankaas waxay go’aansadeen inay ganaaxiisa saddex kulan gaadhsiiyaan.
Lewandowski iyo tababare Xavi Hernandez ayaa labaduba dhaleeceeyay go’aanka ganaaxiisa saddexda kulan lagaga dhigay iyagoo racfaan hore oo laga soo diiday gudbiyay.
Markale racfaankii ugu dambeeyay ee ay gudbiyeen ayuu wargeyska Mundo Deportivo tibaaxayaa in laga soo diiday.
Taas ayaa ka dhigan in xiddiga Polish-ka ahi uu seegi doono saddexda kulan ee adag ee kala ah Catalan Derby (Espanyol), Atletico Madrid iyo Espanyol.
