Kooxda kubadda cagta Newcastle United ayay shan ciyaartoy oo muhiim ahi ka maqnaan d oonaan kulanka berri ay ku martigelin doonaan Arsenal, waxaanay taasi fursad u noqon doontaa Mikel Arteta oo kooxdiisu ay toddoba dhibcood ku hoggaaminayso horyaalka Premier League.
Eddie Howe ayaa daboolka ka qaaday kaddib ciyaaartii barbarraha goolal la’aanta ay la galeen Leeds United maalintii s annadka cusub, in Matt Targett uu ku biiray liiska ciyaartoyda ka dhaawacan kooxdiisa.
Targett oo uga soo wareegay Aston Villa ayaa garoomada ka maqnaan doona muddo toddobaadyo ah iyadoo dhaawacu kasoo gaadhay cidihbta, waxaana Howe ooka hadlayay uu yidhi: “Matt Targett waxay dhibato kasoo gaadhay cidhibta. Waxa uu xanuun ka dareemayay muddo bilo ah, laakiin hadda waxa la gaadhay meel ay xanuun ku keento. Marka aan leeyahay dhawr bilood, waxa aan sidoo kale ku darayaa waqtigii fasaxa.”
27 jirkan oo muhiim u ahaa Newcastle United ayaa waxa kasii horreeyey oo dhaawacmay Jonjo Shelvey oo isagana la xaqiijiyey inuu lix toddobaad u jiifayo dhaawac muruqa ah. Laacibkan hore ee Liverpool ayaa lagu sameeyey qalliin oo muddo jiifi doona.
Dhinaca kale, waxa Newcaslte United ka dhaawacan saxeexooda ugu qaalisan ee Alexander Isak oo ay xagaagii kasoo iibsadeen Real Sociedad, waxaana uu garoomada ka maqnaa tan iyo bishii September, hase yeeshee bishan January ayaa la filayaa inuu soo laabto.
Labada ciyaartoy ee Emil Krafth iyo Paul Dummett ayaa iyaguna aan qayb ka noqon doonin safarka ay Newcastle United ugu tegayso Arsenal.
Shantan ciyaartoy ee ka dhaawacan Newcastle, waxay fursad siinayaan Arsenal oo hal kulan oo kaliya laga badiyey xilli ciyaareedkan socda, isla markaana toddoba dhibcood ku hoggaaminaysa horyaalka Premier League.
Wuxuba waa binch aad iso qorqyso m Arsenal nacayb ayay ka thy wxan inad marmarsiiyo k dhigto la cala ay arsenal Badiso😂😂