Ma rumaysan kartaa khabiir kubadda cagta ah ayaa Eddie Nketiah ka doortay Gabriel Jesus? Hadda ayay dhacdaye si fiican u akhriso.
Weeraryahankii hore ee xulka qaranka England iyo Tottenham ee Darren Bent ayaa rumaysan in uu Eddie Nketiah ka saamayn badan yahay, kana fiican yahay Gabriel Jesus marka la eego kulanka adag ee Axadda ee labada kooxood.
Jesus oo dhaawac kasoo gaadhay Koobka Adduunka ku maqnaanaya muddo saddex bilood ah, ayaa waxa booskiisa buuxiyey Eddie Nketiah oo bandhig heersare ah sameeyey, waxaana uu Darren Bent sheegay inuu dooran lahaa Nketiah, waxaanu yidhi: “Waa in uu Eddie kusoo bilowdo, boqolkiiba boqol. Haddii uu Eddie sii wado goolal-dhalinta, Arsenal na sii xajisato booska ay hadda ku jirto, marka uu Jesus kusoo laabto kooxda, way u dhamaatay Eddie.”
Darren Bent oo hadalkiisa sii wata ayaa raacieyy: “Laakiin aniga waxay ila tahay in Nkeitah uu ciyaaro sababtoo ah Jesus dhaawac ayuu galay, waxa uu ku jirayaa xaalad naxdin ah, markaa Arteta waa in uu caddaalad sameeyo. Anigu waxa aan lambarka sagaal ee Arsenal ka ciyaarsiin lahaa Nketiah.”
Nketiah ayaa 23 ciyaarood oo uu u saftay Arsenal xilli ciyaareedkan waxa uu u dhaliyey toddoba gool, waxaanu ku daray hal caawin, halka Gabriel Jesus uu 20 ciyaarood ku dhaliyey sahn gool toddoba kalena caawiyey.
