Tababaraha xulka Saudi Arabia ee Herve Renard ayaa bixiyay mid kamida khudbadihii wakhtiga nasashada ee ugu fiicnaa ee abid kaamero lagu duubay kulankii xulkiisu guusha 2-1 ah ka gaadhay Saudi Arabia.
Kaddib markii wakhtigii nasashadu ku dhacay xulkiisa oo 1-0 lagu hoggaaminayo isla markaana goolal badan Argentina laga diiday ayuu Renard si weyn ugu canaantay xiddigihiisa inaysan in ku filan cadaadis saarayn Lionel Messi iyo asxaabtiisa.
Herve Renard oo ku qaylinaya xiddigaha Saudi Arabia ayaa yidhi “Maxaynu samaynaynaa? Ma sidanaa qaab cadaadiskeenu? Maxaad doonaysaan ma inaad sawiro la gashaan Messi? waa inaad cadaadisaan sababtoo ah kubadda ayuu haystaa waana eegaysaan”.
“Messi ayaa kubadda haysta oo idina waad taagan tihiin, waa inaad cadaadisaan, riixdaan, haddii aad doonaysaan sawir lasoo baxa mobile-adiina balse kani waa koob aduun waa inaad waxkasta ku bixisaan”.
Hadalka Renard ayaa si weyn u taabtay xiddigaha Saudi-ga iyagoo guul soo laabasho ah ku dilay Argentina isla markaana cadaadis iyo kubad dagaal ka muuqdo lasoo laabtay wakhtigii nasashada.
