Olole lagu dalbanayo in xiddiga Manchester City uu ka tago gabadha uu jecel yahay ayaa waxaa taageeray oo saxiixay 20 kun taageerayaal ah.
Alvarez ayaa dhawaan ku soo laabtay dalka Ingariiska ka dib markii uu bishii hore ka caawiyay Argentina hanashada Koobka Adduunka.
Intii uu u dabaaldegayay hanashada Koobka Adduunka gabadha lamaanihiisa ah Emilia Ferrero ayaa ka careysiisay taageerayaasha Argentina.
Emilia ayaa ka hor istaagtay Alvarez inuu sawiro la galo taageerayaashiisa intii uu dabaadega socday.
Hal taageere oo caan ka ah YouTube ayaa bilaabay olole lagu dalbanayo in Alvarez uu ka tago gabadhaan oo uu gabar kale ka raadsado.
Ololahaan wuxuu soo jiitay 20 kun taageerayaal ah oo saxiixay laakiin ma jirto wax calaamad ah oo muujinaya in 22 jirkaan uu fulin doono dalabka taageerayaashiisa.
Alvarez iyo Emilia waxay lamaane yihiin muddo afar sannadood ah, waxayna si wadajir ah ugu dabaaldegeen sannadka cusub xalay.
Emilia ayaa sidoo kale joogtay Etihad Stadium waxayna qeyb ka aheyd taageerayaasha City ee garoonka fadhiyay.
Alvarez ayaa biladiisa Koobka Adduunka waxa uu ku soo bandhigay garoonka ka hor kulankii ay Leeds United barbaraha 1-1 la gelin isagoo bedel ku soo galay ciyaartaas.
Emilia ayaa si weyn u jecel weeraryahanka, waxayna warqad ay u qortay oo ay baraha bulshada soo dhigtay ku tiri: “Waxaan ku raacayaa meel walba oo aad i weydiisato.”
