Nagu Saabsan – Laacib Ciyaaro Kooxda Gool

Laacib net waa shabakad ku takhasusutay wararka ciyaaraha, waxaan idiin soo gudbinaa wararkii ugu danbeeyay, natiijooyinka, faalooyinka iyo muqaalo xiiso leh.

Waxaad sidoo kale shabakada Laacib.net kala socon kartaa maqaalo xiiso leh.

Laacib net Waxaa la aas-aasay 23kii bishii November 2010 waxaana ay ka mid tahay shabakadaha loogu akhriska badan yahay ee Soomaalida.

Kubada cagta ayaan si gaar ah diirada u saarnaa laakiin waxaa sidoo kale soo gudbinaa wararka kubada kolayga, feerka, musaaricada iyo ciyaaro kale

Waxaan akhirstayaasha Laacib u ogolaanaa inay fekerkooda soo gudbiyaan islamarkaana ay ka qeyb qaataan codbixinada kala duwan ee aan ka sameyno abaalmarinada kubada cagta, kulamada waa weyn ee xiisaha leh iyo weliba dhacdooyinka ugu waa weyn.

Shabakada waxay sidoo kale diirada saartaa ciyaaraha caalamiga ee Soomaaliya oo aan si gaar ah diirada u saarno una soo gudbino akhristayaasheena wax walba oo la xiriira tartamada ay ka qeyb galaan kooxaha Soomaalida meel walba oo ay dunida ka joogaan.

Bogga laacibnet wararka  waxaa ka heli kartaa miiska kala sareynta horyaalada Premier League ee dalka Ingariiska, horyaalka La liga ee dalka Spain, horyaalka Serie A ee dalka Talyaaniga, horyaalka Bundesliga ee dalka Jarmalka iyo horyaalka Ligue 1 ee dalka Faransiiska.

Maalmaha isbuuc dhamaadka waxaan soo gudbinaa natiijooyinka kulamada waa weyn ee maalintaas la ciyaaray, waxaan kaloo soo gudbinaa qiimeynta ciyaartoyda ee kulan walba oo xiiso leh u akhristayaasheena, anagoo fursad u siina inay fekerkooda iyagana ku darsadaan qaabka ay la aheyd ciyaarta.

Waxaan sidoo kale soo gudbinaa shirarka jaraa’id ay qabtaan tababarayaasha kooxaha waa weyn ka hor iyo ka dib ciyaar walba, waxaan sidoo kale soo gudbinaa wareysiyada ay bixiyaan ciyaartoyda waa weyn.

Waxaan had iyo jeer eegnaa warbixinada xiiso leh ee la xiriira kubada cagta, nolosha qaaska ah ciyaartoyda la xiiseeyo iyo weliba waxyaabaha doodaha ka dhaliya bulshada kubada cagta sida cunsuriyada kubada cagta ka dhex jirta.

Laacib gool kooxda iyo qiimeynta ciyaaraha

 Waxaana nahay shabakada kaliya ee isboortiga ee loogu akhriska badan yahay Soomaalida. Gool walba iyo kooxda walba wararkeeda waad naga heleysaa.

Waxaan kaalinta koowaad kaga jirnaa qiimeynta Alexa iyo weliba qiimeynta kala duwan ee lagu eego heerka uu gaarsiisan yahay mareeg ama shabakad.

Waxaan akhristayaasheena sidoo kale ku dhiirogelinaa inay ka qeyb qaataan waxyaabaha aan soo dhigno baraha bulshada anagoo akoono ku leh Facebook iyo Twitter. Waxaa xisaabta ku darsanaa fekradaha ay inoo soo gudbiyaan iyo weliba talooyinka ay ina siiyaan.

Waxaan diyaar u nahay inaan bulshada Soomaaliyeed ka haqabtirno baahida kubada cagta iyo guud ahaan tan isboorti ee ay qabaan.

Waxaan ku rajo weynahay in Laacib ay mustaqbalka balaariso warbaahinteeda oo aan ku soo kordhino idaacad ama raadiye iyo sidoo kale muuqaal TV ah.

Laacibnet ciyaaro kooxda dhanka qiimeynta ciyaaraha

Waxaan sidoo kale mustaqbalka dhow rajeyneynaa inaan xooga saarno ciyaaraha Soomaalida si aan u dhiirogelino dhalinyarada Soomaaliyeed ee jecel ciyaaraha kala duwan sida kubada cagta, kubada kolay,feerka, tennis, dabaasha iyo kuwa kaloo badan.

Waxaan dhawaan u dabaaldegnay sannadguuradeenii 10aad ee markii la aas-aasay shabakada laacib.net oo xarunteedii ugu horeysay ay aheyd magaalada Kuala Lumpur ee dalka Malaysia.

Waxay laacib sidoo kale xarumo ku leedahay magaalooyinka Hargeysa, Mogadishu iyo Nairobi Kenya, waxaan jecelnahay inaan xafiisyadeena shaqo balaarino oo aan gaarsiino dacalada dunida.

Waxaad naga filan doontaa adeeg ka sareeya kan aad inooga barateen ee aad mar walba taageero ugu aheydeen shabakada laacib.net, gool kooxda  iyo ciyaaro.