Manchester City oo isku dayaysa inay sii joogto hogaanka horyaalka Premier League ayaa waxaa gool kaga naxsaday kooxda AFC Bournemouth.
Pep Guardiola wiilashiisa waxa ay u socdaan horyaalkii shanaad oo xiriir ah, waxaana ay badiyeen 7 kamid ah sagaalkii kulan ee ay ciyaareen xili ciyaareedkaan.
Dhinaca kale Liverpool oo doonaysa in ay sii wadato qaab ciyaareedka cajiibka ah ee Premier league ayaa lagu hogaaminayaa Anfield kulanka ay wajahayaan Brighton.
Labadaan koox ayaa kulmay saddex maalmood ka hor Carabao Cup.markaas oo Liverpool guuleysatay.
Arne Slot ayaa ku riyaaqay bilow cajiib ah, laakiin si taasi usii socato waa inuu isbede la yimado qeybta labaad ee ciyaarta.
Premier League maanta iyo caawa waxaa ka socda mucjisooyin kooxaha waaweyn heysta, Arsenal ayaa hore loo garaacay, labadii la tartameysay ee Reds iyo City min gool ayaa lagu hogaaminayaa.
Haddaba Maxaa la filan karaa qeybta labaad ee ciyaarahaa?
