Aston Villa ayaa isku diyaarineysa inay dalab ka hesho tababaraha cusub ee Liverpool Arne Slot oo doonaya weeraryahankooda Ollie Watkins.
Weeraryahanka oo 19 gool oo Premier League ah u dhaliyay Aston Villa islamarkaana u soo saaray Champions League ayaa kaliya qandaraas cusub u saxiixay kooxda bishii October.
Laakiin wargeyska The Sun ayaa sheegaya in tababaraha Liverpool uu aad u jecel yahay xiddiga Ingariiska islamarkaana Aston Villa ay wajaheyso dagaal ay ku ceshato xiddiga 28 sanno jirka ah.
Liverpool ayaa shaki weyn ka qabta tayada Darwin Nunez kaasoo lala xiriirinayo inuu u wareegayo Barcelona.
Nunez ayaan wax gool ah dhalinin 10kii kulan ee ugu danbeysay ee Reds, waxaana loo arkaa in Watkins uu noqon karo bedelkiisa.
Xiddiga reer Uruguay ayaa ku dhameystay xilli ciyaareedka 11 gool iyo sideed caawin 36 kulan oo Premier League uu saftay.
Nunez ayaa lix gool kale iyo afar caawin kale ka sameeyay Europa League iyo Carabao Cup.
Waxay tani keeneysaa in tababaraha Aston Villa Unai Emery inuu isna suuqa ka raadiyo bedelka Watkings.
Watkins ayaa dhaliyay 27 gool tartamada oo dhan xilli ciyaareedkan waana rikoodhkiisii ugu fiicnaa abid, isagoo sideed ka mid ah ka dhaliyay Europa Conference League oo ay ka gaareen semi-finalka.
Qaab ciyaareedkiisa fiican ayaana keentay inuu qeyb ka noqdo liiska hordhaca ah ee xulka Englaned ee ciyaarayaha Qaramada Yurub.
