26-sano jirkaan garabka ka ciyaara ayaa Reds kaga soo biiray Juventus adduun dhan 10 milyan oo ginni bishii August, welina uma ciyaarin kooxdiisa cusub.
Mar wax laga waydiiyay tababaraha Liverpool Arne Slot kusoo biirista Chiesa ee Reds waxa uu sheegay in ay wali xilli hore ku tahay in uu ciyaaro 90 daqiiqo.
Liverpool ayaa ciyaaraysa kulankeedii ugu horeeyay ee Champions League sanad kadib markii ay ka qeyb gashay tartanka Europa League xilli ciyaareedkii hore.
“Waxay ii tahay ciyaar weyn, aniga sidoo kale, laakiin ciyaar weyn ayay noo tahay,” ayuu yiri Slot, oo qabtay shirkii jaraaid ee kulankiisii ugu horreeyay ee Champions League isagoo ah tababaraha Liverpool.
Liverpool, oo sabtidii guuldarro lama filaan ah 1-0 ka soo gaartay Nottingham Forest, ma qaban wax dhaawacyo cusub ah.
Tyler Morton ayaa sidoo kale la safray 23-ka ciyaaryahan ee kooxda, Ciyaaryahanka khadka dhexe ee 21 jirka ah ayaa xilli ciyaareedkii hore amaah ku joogay Hull City.
