Halyeyga reer France ee Emmanuel Petit ayaa magacaabay xiddiga ugu habboon ee Chelsea u beddelaya laacibka reer England ee Conor Gallagher oo uu mustaqbalkiisa shaki ku jiro, kaas oo diiddan inuu heshiis cusub saxeexo iyadoo uu sannad kali ahi ka hadhsan yahay qandaraaskiisa.
Xiddig areer England ee Conro Gallagher oo ka mid ah ciyaartoyda xulka dalkaas uga qayb-geli doonta ciyaaraha qaramada Yurub ee Euro 20204 ayaa waxa doonaya kooxo badan oo reer Yurub ah oo ay ku jiraan Tottenham iyo Manchester United.
Emmanuel Petit oo u ciyaari jiray kooxaha Chelsea, Arsenal iyo Barcelona ayaa waxa uu sheegay in Blues ay ka maarmi karayso Connor Gallagher oo ay heli karayso ciyaartoy kale oo booskaas si fiican uga soo bixi karaya.
“Waa maxay sababta ay Chelsea u iibinayso Gallagher, sababtu ma lacag baa?” Ayuu yidhi Emmanuel Petit. Waxa uu kusii daray: “Waxa aan ogahay inay faa’iido caddaan ah ka helayaan Gallagher, laakiin in aad iibisaan mid ka mid ah ciyaartoyda Ingiriiska ah ee ugu saamaynta badan kooxda maxay tahay?
“Haddii ay iibiyaan, Ugarte ayaa noqon karaya beddel fiican, waa ciyaartoy ay tayadiisu sarrayso. Waxa uu ka mid yahay ciyaartoydii ugu horreysay ee Enrique uu keenay PSG laakiin waxa uu ka doorbiday ciyaartooyo kale kaddib kulankii Newcastle.”
