Ugu dambeyntii, warkii ugu xumaa ayaa la xaqiijiyay, iyadoo kooxda caafimaadka Real Madrid ay ku dhawaaqeen dhaawaca Éder Militao inuu yahay mid daran.
Waxay sheegeen inuu si buuxda u dillaacay (ligament) hore oo ay ku lug leeyihiin labada (menisci) ee lugtiisa midig.
Xiddiga reer Brazil ayaan mar kale ciyaari doonin xilli ciyaareedka 2024-2025 kadib markii uu ka dhaawacmay kulankii ay maanta guusha ka gaareen kooxdiisa Osasuna.
Militao ayaa kubad hawada ah waxaa ku dhaawacay xiddiga Boyomo, wuxuuna dhulka ku dhacay isagoo xanuun aad u daran dareemayay.
Waxa uu ku qasbanaaday in uu garoonka kaga baxo bareelo isagoo wajigiisa daboolan yahay.taasoo walwal badan ku laheyd taageerayaasha.
Carlo Ancelotti ayaa ku qasbanaan doona inuu daboolo booskiisa, ugu yaraan ilaa inta laga gaarayo suuqa kala iibsiga ee jiilaalka, ama bedelkiisa u isticmaalo Jesús Vallejo.
