Arsenal ayaa isha ku haysa ciyaaryahanka Real Madrid Arda Guler ka hor suuqa kala iibsiga ee Janaayo, sida uu sheegay saxafiga madax banaan ee Miguel Delaney.
Gunners ayaa xiiso u qabta xiddiga heerka caalami ee dalka Turkiga, kaasoo si weyn uga careysan boos la’aantiisa ka dib imaanshiyaha Kylian Mbappe.
Inkastoo Madrid aysan dooneyn inay lumiyaan isaga, haddana waxaa jirta suurtagalnimo in amaah lagu fasaxo suuqa January.
Tababare Mikel Arteta ayaa ku xoojin kara xiddigaan weerarka kooxdiisa qeybta labaad ee xilli ciyaareedkaan.
Guler ayaa 14 kulan oo usaftay Real Madrid xilli ciyaareedkan, laakiin waxa uu ku soo bilowday kaliya shan jeer, waxaana uu u hanqal taagayaa inuu helo fursado badan oo uu ku ciyaaro.
19 jirkan ayaa dhaliyay hal gool isagoo laba caawin sameeyay shan kulan oo uu ciyaaray Champions League, sidoo kale hal gool iyo ha caawin ayuu sameeyay lix kulan oo Nations League uu usaftay xulkiisa.
Guler ayaa xilli ciyaareedkii hore dhaliyay lix gool toban kulan oo uu La Liga uu kasoo muuqday, Arteta ayaana u arka inuu tartan adag wiilkaan la gali karo Leandro Trossard iyo Gabriel Martinelli.
Guler waxa uu awood u leeyahay in uu fursad ka helo shaxda Arsenal, waana sababta ku qasbeysa inuu doorto Gynners.
