Arne Slot wuxuu shaaca ka qaaday waxa ka caawinaya xiddigaha Liverpool iney ku dagaallamaan horyaalka Premier League.
Liverpool waxay wajahaysaa Manchester City iyadoo ku jirta kaalinta sare ee miiska horyaalka.waxaa jirta suurtagalnimada ay kusoo afjari karaan horyaalnimada kooxda difaacaneysa horyaalka premier league.City oo ku guuleysatay horyaalka afar jeer oo xiriir ah ayaa la filayaa iney ku kufto anfield axadda,maadaama City ay dhaawac uga maqan yihiin Xiddigo muhiim ah.
Arne Slot wuxuu aaminsan yahay in shaqada adag ee Premier League ay ilaalinayso ciyaartoydiisa Liverpool inay sii feejignaadaan.
Tababaraha Liverpool wuxuu wajahayaa kooxda horyaalka difaacanaysa ee Manchester City isagoo ah kan hogaanka haya, halka kooxda Pep Guardiola ay ku jirto xaalad adag kaddib shan guuldarro oo xidhiidh ah iyo fashil Champions League oo xusuus leh oo ay kala kulmeen kooxdii hore ee Slot.
Si kastaba ha ahaatee, Reds waxay ku qasbanaatay inay si adag ugu shaqayso guul kasta xilli ciyaareedkan, taasoo keentay in tababaraha uusan dareemin wax calaamad ah oo muujinaya kibir.
Slot wuxuu yiri: “Waxaa na caawiyay waa in ciyaar kasta oo aan ilaa hadda dheelnay ay adkeyd in la guuleysto. Haddii aad gaarto guulo 3-0, 4-0, ama 5-0 dhowr jeer oo isku xigta, markaas waxaa halis ah inaad isdhigato.’
“Laakiin dhammaan ciyaarahayaga waxay ahaayeen kuwo aad u adag, waxaanan u shaqeynay si adag, ilaa ciyaartoydu ay dareemaan oo ay ogaadaan sida ay u adag tahay in la gaaro natiijo. Mararka qaar waa inaan u sheegaa arrintan, laakiin waxaan u maleynayaa inay iyagu dareemayaan si kasta.”
