Tababaraha cusub ee Manchester United Ruben Amorim ayaa siin doona weeraryahan Joshua Zirkzee fursad,iyadoo ciyaaryahanka reer Holland uu doonayo inuu isbedel ku sameeyo qaab ciyaareedkiisa Old Trafford. (Football Insider)
Red Devils ayaa sidoo kale bartilmaameedsanaysa weeraryahan dheeri ah, waxaana ay diyaar u yihiin inay kula tartamaan Real Madrid saxiixa Ademola Lookman. (Caughtoffside)
Weeraryahanka Paris Saint-Germain Randal Kolo Muani ayaa ah bartilmaameedka kale oo United isha ku heyso, laakiin waxa ay tartan kala kulmi karaan saxiixiisa kooxaha Premier League ay ku xifaaltamaan ee West Ham United iyo Newcastle United. (Caughtoffside)
Daafaca Sporting CP Ousmane Diomande ayaa doorbidaya inuu ku biiro United halkii uu ku biiri lahaa kooxda heysata horyaalka Premier League ee Manchester City. (Sky Switzerland)
Arsenal ayaa wadahadalo heshiis kordhin ah kula jirta garabka reer Belgian ee Leandro Trossard, iyadoo xiddigii hore ee Brighton & Hove Albion sare loo qaadayo mushaarkiisa. (DailyMail)
Liverpool ayaa isha ku haysa xiddiga cajiibka ah ee kooxda PSG ee Desire Doue kaas oo ku dhibtoonayay France tan iyo markii uu 50 milyan oo euro ugu soo wareegay kooxda reer France xagaagii. (Anfield Watch)
Ciyaaryahanka khadka dhexe ee Barcelona Fermin Lopez, inkastoo uu dhawaan saxiixay qandaraas cusub, hadana wuxuu ka careysan yahay fursad la’aantiisa iyo inuu awoodi waayay inuu la tartamo Dani Olmo. (El Nacional – Spain)
Daafaca dambeedka bidix ee Chelsea Ben Chilwell ayaa amaah bisha Janaayo ugu biiraya kooxda ka dhisan Serie A ee Juventus, (Tuttosport – Italy)
Blues ayaan kalsooni ku qabin saxiixa weeraryahanka Nigeria Victor Osimhen, waxayna bilaabeen inay bedelkiisa raadiyaan weeraryahanka Brighton Evan Ferguson iyo kan Ipswich Town Liam Deap. (Simon Phillips)
Tottenham Hotspur ayaa isha ku heysa xaalada Jadon Sancho ee Stamford Bridge, waxaana laga yaabaa inay u dhaqaaqdo bisha Janaayo (Fichajes – Spain)
Arsenal, Liverpool iyo Tottenham ayaa isha ku haya kubad sameeyaha Real Madrid Brahim Diaz, kaasoo aan si joogta ah fursad ugu helin kooxda heysata horyaalka La Liga. (TBR Football)
Manchester City ayaa isku diyaarinaysa inay bixiso 120 milyan oo euro si ay Real Madrid, Liverpool iyo Bayern Munich ugu garaacaan saxiixa xiddiga Bayer Leverkusen ee Florian Wirtz. (El Nacional – Spain)
Xiddiga Lille iyo Canada Jonathan David ayaa qarka u saaran inuu sii joogo kooxda reer France suuqa janaayo inkastoo ay si weyn u xiiseynayaan Bayern Munich. Qandaraaskiisa wuxuu dhacayaa xagaaga. (Florian Plettenberg)
Barcelona ayaa u aqoonsatay xiddiga Tenerife Aaron Martin inuu yahay ‘Pedri-ga cusub’ waxayna doonayaan inay la soo wareegaan sida ugu dhaqsiyaha badan. (AS – Spain)
Everton, Newcastle iyo West Ham ayaa isha ku haya inay Janaayo u dhaqaaqaan weeraryahanka Corinthians Yuri Alberto. (TBR Football)
