Difaaca bidix ee Liverpool iyo xulka Scotland ee Andy Robertson oo 29 jir ah, waxa uu bartilmaameedka ugu sarreeya u yahay Bayern Munich oo doonaysa inay ka dhigato beddelka Alphonso Davies oo la filayo inuu ka tago Real Madrid xagaaga. (Mail)
Arsenal waxay ka walaacsan tahay dhaawaca weeraryahanka reer Brazil ee Gabriel Jesus oo 26 jir ah, waxaanay saxeexa la saxeexan doonaan weeraryahan cusub, iyagoo akal dooranaya Ivan Toney oo u ciyaara Brentford, Victor Osimhem oo ah 25 jir u dheela Napoli, Joshua Zirkzee oo ah 22 jir u ciyaara Bologna iyo Viktor Gyokeres oo ah 25 jir ka tirsan Sporting Lisbon. (Mail)
Arsenal waxa kale oo ay doonaysaa difaaca Ajax ee Jorrel Hato oo ay da’diisu tahay 17 jir, laakiin laacibkan ayaa waxa la filayaa in uu qandaraas cusub u saxeexi doono kooxdiisa reer Netherlands. (Evening Standard)
Heshiiska Real Madrid iyo Kylian Mbappe waxa ku jira in Los Blancos ay sidoo kale la saxeexato walaalkii Ethan Mbappe oo isaguna u ciyaara Paris Saint-Germain, waana 17 jir xilli-ciyaareedkan loosoo dallacsiiyey kooxda koowaad. (Le Parisien)
Tababarihii hore ee Real Madrid ee Zinedine Zidane ayaa waxa uu ka mid noqday liiska macallimiinta uu kala xulanayo guddoomiyaha cusub ee Manchester United ee Sir Jim Ratcliffe, waxaana uu Zidane u arkaa inuu kooxda guulo gaadhsiin karayo. (Foot Mercato)
Tababaraha Brighton ee Roberto De Zerbi ayaa sidoo kale ku jira macallimiinta ay Manchester United doonayso inay ku beddesho Erik ten Hag. (MEN)
Xiddiga reer Masar ee Mohamed Salah iyo Kevin de Bruyne oo khadka dhexe uga ciyaara Manchester United ayaa laga doonayaa horyaalka waddanka Sucuudiga dhamaadka xilli-ciyaareedka. (90 min)
Vincent Kombapny ayaa loo damaanad qaaday inuu sii ahaanayo tababaraha Burnley, inkasta oo ay kooxdu qarka u saaran tahay inay heerka labaad u dhacdo. (Athletic)
Barcelona waxay ka fiirsanaysaa inay la saxeexato, goolhayihii hore ee Manchester United ee David de Gea oo ah 33 jir waqtigan koox la’aan ah. (Mundo Deportivo)
Newcastle United iyo Tottenham waxay doonayaan weeraryahanka kooxda Eintrachft Frankfurt iyo xulka Masar ee Omar Marmoush oo 10 gool oo horyaalka Bundesliga ah u dhaliyey kooxdiisa xilli-ciyaareedkan. (Bild)
Liverpool waxay xiisaynaysaa saxeexa khadka dhexe ee kooxda FC Porto ee Alan Varela oo ah 22 jir u dhashay waddanka Argentina. (Mirror)
Barcelona waxay doonaysaa in ay tababaraha Inter Milan ee Simone Inzaghi ku beddesho Xavi Hernandez oo dhamaadka xilli-ciyaareedka ka tegi doona kooxdiisa. (Mundo Deportivo)
