Arsenal Oo Ugu Dambeyn Xal U Heshay Boos Ay In-badan Ka Liidatay

Kooxda Arsenal oo haatan hoggaaminaysa horyaalka Premier League ayaa doonaysa inay xoojiso garabka bidix ee weerarka, iyadoo bartilmaameedsanaysa xiddiga kooxda RB Leipzig, Antonio Nusa.

Gunners ayaa raadinaysay xal waara oo booskaas ah tan iyo markii ay kooxda ka tageen Gabriel Martinelli iyo Leandro Trossard. Saxiixa cusub ee Christos Tzolis ayaa dhaawac ka soo kabanaya, halka Noni Madueke iyo Eberechi Eze lagu tijaabiyay booskaas balse aysan soo bandhigin qaab-ciyaareed lagu qanco.

Sida ay ku warrantay shabakadda TEAMtalk, indha-indheeyayaasha Arsenal ayaa daawaday saddexdii kulan ee ugu dambeysay ee 21 jirkan reer Norway, iyadoo mas’uuliyiinta kooxdu ay durbaba la hadleen wakiilladiisa. Nusa ayaa xilli-ciyaareedkan wacdaro ka dhigaya horyaalka Bundesliga, isagoo ka hoos ciyaaraya tababare Martin Demichelis, isagoo dhaliyay lix gool isla markaana caawiyay toddoba kale.

RB Leipzig ayaa ku qiimeysa laacibkan qandaraaskiisu soconayo ilaa 2029 adduun dhan 66 milyan oo gini, taas oo haddii la dhammaystiro ka dhigi doonta saxiixii saddexaad ee ugu qaalisanaa taariikhda Arsenal ka dib Declan Rice (99.2 milyan) iyo Bruno Guimarães (75 milyan).

Si kastaba ha ahaatee, kooxda Bayern Munich ayaa iyaduna loollan ugu jirta saxiixa xiddigan oo wacdaro ka dhigay Koobkii Adduunka ka dib markii uu gool cajiib ah ka dhaliyay Brazil.

 

LEAVE A REPLY

Please enter your comment!
Please enter your name here

Most Popular

Most Popular

- Advertisment -

Most Popular