Kai Havertz ayaa taariikh cusub sameeyay kaddib markii uu Arsenal gool u dhaliyay kulanka Liverpool ee hadda ka socda garoonka Anfield.
Weeraryahanka reer Jarmal ayaa shabaqa soo taabtay qeybtii hore ee ciyaarta, isagoo Arsenal hoggaanka u dhiibay kaddib markii uu si wanaagsan uga faa’iideystay fursaddii uu helay.
Goolkaasi wuxuu Havertz u ahaa kii 46-aad ee uu ka dhaliyo Premier League, taasoo ka dhigtay ciyaaryahanka reer Jarmal ee ugu goolasha badan taariikhda horyaalka.
Wuxuu sidaas ku dhaafay Ilkay Gündogan oo horay u dhaliyay 45 gool, isagoo noqday Jarmalkii ugu goolasha badnaa ee abid ka ciyaara horyaalka heerka koowaad ee Ingiriiska.
