Tababaraha Manchester United, Michael Carrick, ayaa xaqiijiyay in Bruno Fernandes uu sii ahaan doono kabtanka kooxda, isagoo sheegay inay diyaar u yihiin inay hore u socdaan.
Carrick ayaa Fernandes dhigay kursiga keydka kulankii Axaddii ay Manchester United 3-0 kaga badisay Bournemouth. Go’aankaas ayaa yimid maalmo kadib markii xiddiga reer Portugal uu dhaliilay xeeladaha tababarihiisa, kaddib guuldarradii Champions League ee Como.
Si kastaba ha ahaatee, labada dhinac ayaa toddobaadkan yeeshay wada-hadallo ay ku xallinayeen khilaafkooda, ka hor kulanka Sabtida ee ay Manchester United booqanayso Chelsea.
Carrick ayaa hadda si cad u sheegay in Fernandes uusan lumin doonin kabtannimada. Waxa uu sidoo kale ammaanay sida ay ciyaaryahanku uga go’an tahay inuu wax u qabto kooxda.
“Bruno si buuxda ayay uga go’an tahay inuu horumar gaarsiiyo naadigan. Wax dhibaato ah kama qabo arrintaas, waana inaan hore u soconnaa,” ayuu yiri Carrick.
