Halyeyga Liverpool ee Jamie Carragher ayaa ku biiray taageereyaasha kooxda Borussia Dortmund ee ku sugan magaalada London ka hor finalka Champions League ee caawa ee Real Madrid iyo Dortmund.
Jamie Carragher oo kooxdiisii hore ee Liverpool ay laba jeer finalka Champions League iskugu yimaaddeen Real Madrid oo waliba koobka laga qaaday, ayaa markan waxa uu soo raacay Dortmund oo uu rajaynayo in markan ay u hiilin doonto oo ay guul-darro u xambaarin karto Real Madrid.
46 jirkan ayaa waxa uu sidan oo kale usoo taageeray Borussia Dortmund wareeggii semi-finalka oo kulamadii ay la dheeleen Paris Saint-Germain uu si cad ugu badheedhay inuu la safto Dortmund, waxaana waqtigaas uu waraysi ka qaaday Jadon Sancho isaga oo ka tirsanaa falanqeeyeyaasha telefishanka CBS Sports.
Muuqaal uu Jamie Carragher soo dhigay bartiisa bulshada ayaa waxa uu muujinayaa isaga oo qoorta ku sita calanka Borussia Dortmund, sidoo kalena khamri dariiqyada kula cabbaya taageereyaasha kooxda reer Germany.
Waxa muuqaalkaas laga maqlayaa Jamie Carragher oo ku qaylinaya ereyo ay ka mid yihiin: “Halkeed joogtaan reer Madrid-oow waqtigan?”
Saacado Ka Hor Finalka FA Cup yaaa