Jude Bellingham iyo Zinedine Zidane ayaa isku waafaqay hal ciyaartoy oo ay kooxda kubadda cagta Real Madrid u baahan tahay inay la saxeexato marka uu furmo suuqa iibka ciyaartoyda ee xagaaga oo horraanta bisha June albaabada loogu furi doono naadiyada inay la kala wareegaan ciyaartoyda ay doonayaan.
Xagaagii hore, Jude Bellingham ayaa iska diiday kooxo ay ka mid ahaayeen Liverpool, Manchester City iyo Chelsea si uu ugu biiro Real Madrid oo lacag gaadhaysa 103 milyan oo Euro kaga soo iibsatay Borussia Dortmund.
20 jirkan oo isku diyaarinaya semi-finalka Champions League ee Bayern Munich ee Arbacada ay lugta labaad kusoo dhoweynayaan garoonka Wembley ayaa waxa ay isku aragti noqdeen Zinedine Zidane oo ay hal ciyaartoy kula taliyeen Florentino Perez in uu la saxeexo xagaaga.
Wargeyska Defensa Cental, ayaa qoray in Jude Bellingham iyo Zinedine Zidane ay labaduba waqtiyo kala duwan u sheegeen Florentino Perez in uu kooxda keeno garabka weerarka xulka England ee Jadon Sancho ee Manchester United ay amaahda ugu dirtay Borussia Dortmund.
24 jirkan oo bandhig hersare ah sameeyey tan iyo markii uu dib ugu laabtay Borussia Dortmund bishii January, ayaa Jude Bellingham iyo Zinedine Zidane ay u arkaan ciyaartoy wax badan kusoo kordhin karaya garabka midig ee Real Madrid.
