Liverpool ayaa wadahadalo la furtay tababaraha Sporting Lisbon Ruben Amorim, oo 39 jir ah, si uu u bedelo Jurgen Klopp. (Foot Mercato)
Barcelona ayaa sidoo kale aad u doonaysay tababaraha reer Portugal laakiin way ka laabteen xiisahooda iyaga oo u malaynaya in uu ku sii jeedo Liverpool. (Sport)
Manchester United ayaa ka fiirsaneysa inay xagaaga u dhaqaaqdo daafaca reer England ee Aston Villa Ezri Konsa, oo 26 jir ah. (Football Transfers).
Weeraryahanka Portugal Joao Felix ayaa sheegay in saaxiibkiisa xulka Portugal ee Bernardo Silva, oo 29 jir ah, uu doonayo inuu u dhaqaaqo Barcelona, iyadoo ciyaaryahanka khadka dhexe ee Manchester City lala xiriiriyay kooxda reer Catalan dhowrkii suuq ee ugu dambeeyay. (Gerard Romero)
Atalanta ayaa sheegtay inaysan wax xiriir toos ah ka helin Liverpool oo ku saabsan khadka dhexe ee reer Holland Teun Koopmeiners iyadoo Reds lagu soo waramayo inay xiiseyneyso 26 jirkaan. (90 min)
Liverpool ayaa dooneysa inay lasoo saxiixato ciyaaryahanka khadka dhexe ee Uruguay Federico Valverde, oo 25 jir ah, kana tirsan Real Madrid. (Teamtalk)
Weeraryahanka Bologna iyo Netherlands Joshua Zirkzee, oo 22 jir ah, ayaa bartilmaameed u ahaa Manchester United iyo Liverpool, laakiin wuxuu u sheegay wakiilkiisa inuu doorbidayo u dhaqaaqista AC Milan. (Mirror)
Arsenal ayaa qarka u saaran inay kula tartanto Manchester United saxiixa 19 jirka daafaca dhexe uga ciyaara Barcelona iyo Senegal Mikayil Faye. (Calciomercato)
Manchester United ayaa heshiis cusub u bandhigtay 16 jirka garabka uga ciyaara England Bendito Mantato iyadoo kooxo badan oo waaweyn ay xiiseynayaan da’yarkan. (Fabrizio Romano)
Tababaraha reer Portugal Marco Silva, oo 46 jir ah, ayaa laga yaabaa inuu soo jiito xiisaha West Ham iyadoo lagu burburin karo qandaraaskiisa Fulham lacag gaareysa 8.6 milyan ginni. (The Sun)
Everton ayaa wajihi karta in dhibco seddexaad laga jaro ka dib markii la sii daayay xisaabaadkeedii ugu dambeeyay ee kooxda. (Insider Football)
Naadiyada Premier League ayaa doonaya in la bedelo sharciga dhibjo jarista iyagoo doonaya in lagu bedelo ganaax lacageed. (Mirror)
